Ваш браузер устарел
Вы пользуетесь устаревшим браузером, который не поддерживает современные веб-стандарты и представляет угрозу вашей безопасности.
Пожалуйста, установите современный браузер:

Ҷавонони Суғд муоширати бемаҳдудро интихоб мекунанд

22.02.2018

Тарофаи “Биё! Гап зан!” дар байни мизоҷони ширкати “МегаФон Тоҷикистон” дар вилояти Суғд ба тарофаи маъмултарин табдил ёфт. Аз лаҳзаи ба истифода даромадани силсилаи нав ҳар муштарии панҷуми оператор муоширати бемаҳдудро дар шабакаҳои иҷтимоӣ ва мессенҷерҳо интихоб менамояд. Ба ин гурӯҳи муштариён асосан ҷавонони фаъоли аз 18 то 30-сола дохил мешаванд. 

Сабаби болоравии маъруфияти тарофаҳои силсилаи “Биё!” дар он аст, ки тарофаҳои мазкур аллакай на бо бо миқдори муайяни дақиқаҳо, SMS ё трафики интернет, балки бо ҳаҷмҳои мувофиқи мароқи муштариён пешбинишуда фарқ мекунанд. Тарофаи “Биё! Гап зан”, тавре ба осонӣ пай бурдан мумкин аст, барои муштариёне қулай аст, ки мехоҳанд бо ҳама воситаҳои дастрас муошират намоянд. Ба баста 500 дақиқа барои зангҳо дар ҳудуди Ҷумҳурии Тоҷикистон, 3 Гб интернет дохил гардида, дар доираи он дастрасии ройгон ба як қатор мечченҷерҳо ва шабакаҳои иҷтимоӣ - Viber, WhatsApp, Facebook messenger, IMO, Facebook, “Одноклассники”, “ВКонтакте”, Twitter ва Instagram пешбинӣ карда шудааст.

“Ба фикри ман тарофаҳои “Биё!” воқеан ба талаботу хоҳишҳои муштариёни муосир ҷавобгӯй мебошад. Ба ман, чун ба истифодабарандаи фаъоли шабакаҳои иҷтимоӣ ва хабарнигор пешниҳодҳои нави “МегаФон”, бахусус бастаи “Гап зан” хеле писанд омад. Акнун ман метавонам шабакаҳои иҷтимоӣ ва мессенҷерҳоро бидуни маҳдудиятҳо истифода барам!” – таассуроти худро ба мо расонида мегӯяд хабарнигори ШТР “Танин” Маҳмуд АҲРОРӢ.

“Айни замон теъдоди муштариёни рақамии Тоҷикистон – яъне онҳое, ки интернети мобилиро фаъолона бо мақсади муошират дар шабакаҳои иҷтимоӣ ва мессенҷерҳо, тамошои видео ва гӯшкунии мусиқӣ, анҷомдиҳии пардохтҳои мобилӣ истифода менамоянд, рӯ ба афзоиш аст. Мо барои муштариёни худ мисоли як купрӯке ҳастем, ки роҳро ба сӯйи олами бемаҳдуди имконоти рақамӣ боз менамояд. “МегаФон” тамоми кӯшишҳоро ба харҷ медиҳад, то ки муштариён дастгоҳҳои мобилии худро ба андозаи сад фоиз истифода бурда тавонанд”, – мегӯяд Далер НАИМОВ, роҳбари раёсати минтақавии ширкати “МегаФон Тоҷикистон” дар вилояти Суғд.

Пайвасткунии тарофаи силсилаи “Биё” дар идораҳои хизматрасонӣ, толорҳои фирмавӣ, дар “Ҳуҷраи шахсии корӣ”, тавассути замимаи мобилии @MegaFon.Life ё рақамчинии USSD-дархости дахлдор дар телефони худ имконпазир аст. Маълумоти муфассал дар сомонаи http://megafon.tj/


© 2016 © ЗАО «ТТ мобайл» (МегаФон Тоҷикистон) megafon.tj
Салом.
Метавонам ба Шумо кумак диҳам ?