Ваш браузер устарел
Вы пользуетесь устаревшим браузером, который не поддерживает современные веб-стандарты и представляет угрозу вашей безопасности.
Пожалуйста, установите современный браузер:

“МегаФон Тоҷикистон” ба сарҳадбонон имкон дод, ки садои наздиконашонро бишнаванд

27.02.2018

Ба муносибати Рӯзи Артиши Миллӣ якчанд дастаи саднафараи хизматчиени нерӯҳои сарҳадӣ имкон пайдо намуданд, ки ба наздикони дар дилхоҳ гӯшаи Тоҷикистон ё Россия истиқоматкунандаи худ ройгон занг зананд. Иқдоми анъанавӣ, ки аллакай соли панҷум аз ҷониби ширкати “МегаФон Тоҷикистон” гузаронида мешавад, ин бор дар қисмҳои ҳарбии вилоятҳои Суғд ва Хатлон сурат гирифт.

“Мо ҳамеша аз шунидани овози наздикони худ хушҳол мешавем. Вале барои аскароне, ки дур аз хонаҳои худ адои хизмат мекунанд, ин махсусан арзишманд аст. Барои ҳамин мо ҳар сол ба қисмҳои ҳарбӣ омада , ба хизматчиёну афсарон имкон медиҳем, ки бо наздиконашон сарфи назар аз фосилаҳои дур суҳбат кунанд. Бигузор технологияҳои муосири алоқа ба ҳомиёни мо имкони ҳамеша ва дар ҳама макон эҳсос кардани дастгирии наздиконашонро фароҳам оваранд!” – изҳор дошт Директори иҷроияи ширкати “МегаФон Тоҷикистон” Анатолий ИЗЮМНИКОВ.

Дар арафаи 23 феврал кормандони соҳаи алоқа дар назди сарҳадчиёне, ки дар қисмҳои ҳарбии вилоятҳои Хатлон ва Суғд хизмат мекунанд, меҳмон шуданд. Хизматчиён ба волидайн, бародарону хоҳарон, дӯстон, аз ҷумла ба онҳое, ки дар Федератсияи Россия кору фаъолият мебаранд, даъватҳоро анҷом доданд. Дар давоми якчанд соат нуқтаи сайёри алоқаи “МегаФон” бе танаффус кор карда, ба кормандони ширкат миннатдориҳои сершумор изҳор карда шуданд.

“Ташаккур барои алоқаи боэътимод бо волидайн! Ман аввал ба падарам, ки айни замон дар Россия қарор доранд, занг задам. Он кас бо шунидани овози ман хеле хурсанд шуданд. Модарам бошанд, дар бораи қишлоқамон, ки ман 11 моҳ қабл аз он ба хизмат рафта будам, ҳамаи хабарҳои охиринро ба ман расониданд. Ман аз суҳбат бо наздиконе, ки айни замон аз чашмонам дуранд, ниҳоят хушҳол гардидам”, - мегӯяд аскари қаторӣ Убайдулло ХОЛОВ, ки дар ноҳияи Панҷакенти вилояти Суғд адои хизмат менамояд.

Дар Хатлон иқдоми анъанавии “Занг ба хона” бо чунин табрикот оғоз ёфт: Роҳбари раёсати минтақавии “МегаФон Тоҷикистон” Маҷид САЙТАСАНОВ қайд намуд, сулҳу осоиши ватан аз хизматчиёни нерӯҳои сарҳадӣ оғоз меёбад, ва дар баробари ин хабар дод, ки ширкат ба қисми ҳарбии Wi-Fi-роутерҳоро ҳадя намуд. Роутерҳои мазкур китобхонаи маркази омӯзишии қисми низомиро бо интернет таъмин хоҳад кард. Сипас барномаи консертӣ бо иштироки ҳунармандони шуъбаи фарҳанги ноҳияи Панҷ ва бозиҳои варзишӣ доир карда шуда, ба ғолибон туҳфаҳои хотиравӣ аз “МегаФон” супурда шуданд. Инчунин ширкат ба писари хурдсоли яке аз афсарон, ки аз бемории вазнин раҳо гардид, туҳфаи алоҳида тақдим намуд. Баъдан ҳама ба назди дастархони идона, ки аз ҷониби “МегаФон” омода гардида буд, даъват карда шуда, бо оши палав зиёфат дода шуданд.


© 2016 © ЗАО «ТТ мобайл» (МегаФон Тоҷикистон) megafon.tj
Салом.
Метавонам ба Шумо кумак диҳам ?