Браузери шумо аз санаи анҷомёбӣ аст
Шумо браузери пештараро истифода мебаред, ки стандартҳои веб-стандартиро дастгирӣ намекунад ва ба амнияти шумо таҳдид мекунад.
Лутфан, браузери замонавӣ насб кунед:
Ваш номер телефона:   Подробнее
Ба мизоҷони хусусӣ
  • Дастгирӣ
  • Ахборот
  • Футболбозони ҷавони тоҷик барои роҳхат ба бошишгоҳи КФ “Барселона” дар шаҳри Сочи мубориза мебаранд
  • Хизматрасонии муштариён
  • Танзими Интернет ва ММС
  • Дархостҳои USSD
  • Харитаи фарогирӣ
  • Толорҳои алоқа
  • Толорҳои фирмавии алоқа
  • Ахборот

Футболбозони ҷавони тоҷик барои роҳхат ба бошишгоҳи КФ “Барселона” дар шаҳри Сочи мубориза мебаранд

1 Мая 2019

Ду дастаи кӯдакона, ки дар марҳилаи ҷумҳуриявии мусобиқаҳои “Оянда аз ту вобаста аст” дар категорияҳои синну соли калон ва хурд ғолиб омаданд, Тоҷикистонро дар даври ниҳоии мусобиқаҳо дар шаҳри Сочии Россия муаррифӣ хоҳанд кард. Туҳфаи асосӣ барои ғолибон роҳхат ба бошишгоҳи футболи клуби “Барселона” дар шаҳри Сочи ба ҳисоб меравад.

Мусобиқаи аз ҷониби ширкати “МегаФон” ташкилшуда чун анъана дар се марҳила гузаронида мешавад. Мусобиқаи якум зиёда аз 4 000 кӯдаконро аз Россия ва ҳама минтақаҳои Тоҷикистон ҷамъ овард. Дастаҳои беҳтарин ба даври дигар гузаронида шуданд. Ғолибон аз Тоҷикистон дар охири моҳи май бояд бо иштирокчиёни қавитарини мусобиқаҳои XV умумироссиягӣ дар байни дастаҳои хонаҳои кӯдакон ва мактаб-интернатҳои “Оянда аз ту вобаста аст” мусобиқа намоянд.

Бозиҳои ниҳоӣ 18 дастаро ба ҳам меорад. Зимни онҳо роҳхат ба бошишгоҳи Barca Camp бурд карда мешавад. Ин бошишгоҳи нодир барои кӯдакони дорои ҳама гуна сатҳи омодагӣ аллакай дар давоми чор сол фаъолият дорад. Ғолибони мусобиқаи МегаФон ба Barca Camp дар охири моҳи июл фиристода мешаванд. Кӯдаконро даҳ рӯзи мусобиқаҳо ва дарсҳои назариявӣ аз рӯйи усулҳои испанӣ, саёҳатҳо, дилхушиҳои варзишӣ ва озмунҳо интизор хоҳанд буд. Дар маросими маҳкамшавии тантанавӣ ба онҳо футболкаҳои номӣ ва гувоҳномаҳои байналмилалӣ оид ба гузариш аз мактаб супурда мешаванд.

“Аз таҳти дил ба иштирокчиёнамон таманно дорам чунин бозӣ кунанд, ки дар моҳи июл онҳо ба соҳилҳои Баҳри сиёҳ баргашта тавонанд! Футболбозони ҷавони тоҷик аллакай оид ба моҳияти бозиҳои сатҳи байналмилалӣ огоҳ шудаанд: яке аз қисмҳои муҳимми марҳилаи ҷумҳуриявӣ он буд, ки мусобиқаи рафиқона бо дастаи мунтахаби Ӯзбекистон гузаронида шуд. Дар Сочи мусобиқаҳо ҷиддитар мешаванд. Лекин мо медонем, ки Тоҷикистон чун ҳарвақта бозии беҳтаринро нишон хоҳад дод. Аз ҳама муҳим, иштирокчиён ба шаҳри “олимпӣ” сафар карда, вақти худро хеле ҷолиб мегузаронанд ва албатта дӯстони нав пайдо мекунанд. Мутмаинам ин сафар барои онҳо ниҳоят хотирмон хоҳад буд. Муваффақият ва пирӯзӣ дар даври ниҳоӣ ёрашон бод!” – мегӯяд Директори иҷроияи ширкати “МегаФон Тоҷикистон” Анатолий ИЗЮМНИКОВ.

Дар Тоҷикистон мусобиқаҳои “Оянда аз ту вобаста аст!” бо дастгирии Вазорати маориф ва илми Ҷумҳурии Тоҷикистон, Кумитаи кор бо ҷавонон ва варзиши назди Ҳукумати ҶТ, Федератсияи футболи Тоҷикистон ва Сафорати Федератсияи Россия дар Ҷумҳурии Тоҷикистон доир карда мешаванд.

Сомонаи расмии мусобиқаҳо: http://football.megafon.ru/

Гурӯҳҳо дар шабакаҳои иҷтимоӣ: FB, ВК, Instagram

#БЗТ #БудущееЗависитОтТебя #Iamyfuture

photo_2019-04-16_09-49-20.jpg

photo_2019-04-16_09-49-21.jpg

_MG_7400.jpg

_MG_7508.jpg

photo_2019-05-01_09-59-25.jpg

photo_2019-05-01_09-59-26.jpg

photo_2019-05-01_09-59-28.jpg

photo_2019-05-01_09-59-37.jpg

© 2018 © ЗАО «ТТ мобайл» (МегаФон Тоҷикистон) megafon.tj
Салом.
Оё ман метавонам кӯмак
кунам?